Innuttaasut ikinnerulissapput utoqqaanerulerlutillu
Ukiuni makkunani ukiumut missiliorlugit 850-it inunngortarput, 550-illu missaanniittut toqusarlutik. Meeqqiortarnerup toqusoqartarneraniit missiliorlugu 300-nik amerlanerunerata innuttaasut amerlanerulertittussaangaluarpai, ukiumulli allamut nunasiartortartut nunasisunit missiliorlugit 350-inik amerlanerulermata, innuttaasut ataatsimut amerlassusaat ikilipput.
Tamanna ukiuni tulliuttuni annertunerulissaaq 1960-ikkut aallartinnerini inuusimasorpassuit ukiunut utoqqanngorluni toquffiunerpaasartunut massakkut qanilliartormata. Ukiunittaaq tulliuttuni qulini arnat ukiuni meeqqiorfissaminniittut ikinnerulissapput, taamaasilluni meeqqiortaneq annertussusissaminiikkaluartoq aamma ukiumut inunngortartut amerlassusaat ikinnerulissapput.
2030-mut naatsorsuutit 2019-imi naatsorsuutinut sanilliukkaanni takuneqarsinnaavoq ukiut qulit qaangiuppata Kalaallit Nunaanni innuttaasut 240-nik amerlanerussasut. Naatsorsuutini kingullerni innuttaasut 54.215-iusussatut ilimagineqartut tamatumuunakkut 54.451-inut nikipput. Ukiut kingulliit qulit ingerlanerini ukiumut agguaqatigiissillugu nunasisarnerit amerlassusaat ukioq manna naatsorsuutini ikinnerulaarnerannik tamanna peqquteqarpoq.
Takussutissiaq 1-imi innuttaasut amerlassusissaannut pingaarnertut inernerit, Naatsorsueqqissaartarfimmit 1.januaari 2020-mi innuttaasunut naatsorsuutit tunngavigalugit 2050-ip tungaanut Kalaallit Nunaanni innuttaasut amerlassusissaannut suliarineqarsimasut, takuneqarsinnaapput. Innuttaasut amerlassusaannut naatsorsuutit uingasumik nalunaaqutserneqarput.
Nalinginnaasumik innuttaasunit amerlanerusunit naatsorsuutinit naatsorsuutit inernerini nalorninartoqarnera annertunerusarpoq. Ukiuni qaninnerni tulliuttuni (ukiut 1-5) naatsorsuutit siunissami qanoq pisoqarumaarneranut oqariartuutitut atorluarsinnaasut ilimagineqarpoq, annerusumilli itisilerneqanngitsumik.
Suiaassutsit malillugit naatsorsuutit inerneri aammalu ukioqalereersimasuniit agguataarneri Naatsorsueqqissaartarfiup Kisitsisaataasiviani http://bank.stat.gl/benp20-mi nassaarineqarsinnaapput.
Titartagaq 1. 2000-imiit 2050-imut innuttaasut
Najoqqutaq: Naatsorsueqqissaartarfik, Kisitsisaataasivimmi kisitsisit takukkit (http://bank.stat.gl/benp20).
Takussutissiaq 1. 2000-imiit 2050-imut innuttaasut ukiuisa agguataarneri, ukiut toqqartukkat malillugit
|
2000 |
2010 |
2020 |
2030 |
2040 |
2050 |
Katillugit |
56.124 |
56.452 |
56.081 |
54.451 |
51.395 |
48.392 |
0-2 Meeraaqqeriviit |
2.876 |
2.508 |
2.496 |
2.206 |
1.942 |
1.844 |
3-5 Meeqqeriviit |
3.060 |
2.441 |
2.390 |
2.250 |
1.920 |
1.823 |
6-8 Meeqqat atuarfianni nukarliit |
3.258 |
2.528 |
2.259 |
2.293 |
1.950 |
1.805 |
9-12 Meeqqat atuarfiannia akulliit |
4.170 |
3.509 |
3.082 |
3.055 |
2.678 |
2.371 |
13-15 Meeqqat atuarfianni angajulliit |
2.700 |
2.773 |
2.233 |
2.239 |
2.069 |
1.761 |
16-17 Inuusuttuaqqat 18-it inorlugit ukiullit |
1.459 |
1.751 |
1.317 |
1.117 |
1.107 |
935 |
18-24 Inuusuttut 18-it sinnerlugit ukiullit |
4.927 |
6.332 |
5.543 |
4.676 |
4.671 |
4.063 |
25-34 Inersimasut, suliffillit |
9.446 |
7.303 |
9.172 |
7.899 |
6.923 |
6.765 |
35-44 Inersimasut, suliffillit |
10.548 |
8.712 |
6.893 |
8.767 |
7.323 |
6.552 |
45-54 Inersimasut, suliffillit |
6.593 |
9.443 |
7.791 |
6.401 |
8.021 |
6.621 |
55-64 Inersimasut, suliffillit |
4.295 |
5.305 |
8.020 |
6.344 |
5.487 |
6.821 |
65-74 Utoqqaat 1 |
2.134 |
2.773 |
3.397 |
5.139 |
3.944 |
3.656 |
75-79 Utoqqaat 2 |
381 |
656 |
916 |
1.152 |
1.811 |
1.075 |
80+ Utoqqaat 3 |
277 |
418 |
571 |
913 |
1.549 |
2.300 |
Najoqqutaq: Naatsorsueqqissaartarfik, Kisitsisaataasivimmi kisitsisit takukkit (http://bank.stat.gl/benp20).